Azərbaycan hərbi xadimi, general-mayor İsgəndər İmanverdi oğlu Allahverdiyev dünyasını dəyişib.
Zefer.media xəbər verir ki, İsgəndər Allahverdiyev 11 fevral 1947-ci ildə Bakı şəhərində anadan olub. O, Azərbaycanın müstəqilliyinin ilk illərində dövlət sərhədlərinin qorunması və sərhəd mühafizə sisteminin formalaşmasında mühüm xidmətlər göstərib.
Mərhum hərbçi 1991–1992-ci illərdə Azərbaycan Respublikası Dövlət Sərhədini Mühafizə Komitəsinin sədri, 1992–1994-cü illərdə isə Milli Təhlükəsizlik nazirinin müavini — Sərhəd Qoşunlarının ilk komandanı vəzifələrində çalışıb. 1992-ci ildə ona “general-mayor” ali hərbi rütbəsi verilib.
Hərbi xidmətini başa vurduqdan sonra Dövlət Təhlükəsizliyi Xidmətinin Heydər Əliyev adına Akademiyasının rəis müavini işləyən İ.Allahverdiyev, həmçinin Azərbaycan Respublikası Müharibə, Əmək və Silahlı Qüvvələr Veteranları Təşkilatının Rəyasət Heyətinin üzvü olub.
Xatırladaq ki, İsgəndər Aklahverdiyev dövlət qarşısındakı xidmətlərinə görə “Azərbaycan Bayrağı” ordeni və “Hərbi xidmətlərə görə” medalı ilə təltif olunub.
Allah rəhmət eləsin!
