Ukrayna və Türkiyə müdafiə-sənaye sektorunda əməkdaşlığı inkişaf etdirmək potensialına malikdir, lakin Ankara bu istiqamətə ehtiyatla yanaşır.
Zefer.media xəbər verir ki, bunu Ukraynanın Türkiyədəki səfiri Nəriman Cəlal “RBC-Ukraine”ya müsahibəsində bildirib.
Diplomatın sözlərinə görə, Türkiyə müdafiə-sənaye sektorunda əməkdaşlığa böyük maraq göstərir, lakin bu məsələyə ehtiyatla yanaşır.
Son 10-15 ildə Türkiyənin müdafiə-sənaye kompleksi əhəmiyyətli dərəcədə böyüyüb və fəal şəkildə inkişaf etməyə davam edir.
“Türkiyə bu istiqamətdə çox maraqlıdır, lakin ehtiyatlıdır. Son 10-15 ildə Türkiyənin müdafiə-sənaye kompleksi dinamik şəkildə böyüyür”, – deyə Cəlal bildirib.
Cəlal vurğulayıb ki, dövlət həmçinin milli müdafiə sənayesinin inkişafına da töhfə verir. Nümunə olaraq, o, NATO ilə birbaşa müqavilə imzalayan Türkiyənin HAVELSAN şirkətini göstərib.
“Dövlət buna töhfə verir. Məsələn, Türkiyənin HAVELSAN şirkəti NATO ilə birbaşa müqavilə imzalayıb. Bu, onun işinin nəticələrinin tanınmasının göstəricisi deyilmi?”, – deyə Cəlal qeyd edib.
Səfirin sözlərinə görə, Ukraynanın müdafiə sektorundakı təcrübəsi Türkiyədə hörmət və maraq doğurur. Eyni zamanda, Ankara təkcə xarici siyasətdə deyil, həm də müdafiə sektorunda müstəqillik qazanır.
Səfir yekun olaraq deyib: “Müdafiə sektorundakı təcrübəmiz hörmət və maraq doğurur. Eyni zamanda, Türkiyə təkcə xarici siyasətdə deyil, həm də müdafiə sektorunda muxtariyyət formalaşdırır”.
Zərintac Mayisqızı
