Bu ilin yanvar-iyun aylarında İqtisadiyyat Nazirliyi yanında İqtisadiyyat Nazirliyi yanında Əmlak Məsələləri Dövlət Xidməti daşınmaz əmlak üzərində 173 378 mülkiyyət hüququ qeydiyyata alınaraq çıxarışla təmin edilib.
Zefer.media Dövlət Xidmətinə istinadən xəbər verir ki, bu, ötən ilin eyni dövri ilə müqayisədə 0,2 % çoxdur.
Bildirilib ki, qeydiyyata alınan mülkiyyət hüququnun 32 940-ı (19 %) ilkin, 140 798-i isə (81 %) isə təkrar qeydiyyatın payına düşüb. Bunlar isə 1 il əvvələ nisbətən müvafiq olaraq 8,5 % çox və 1,6 % azdır.
Hesabat dövründə fərdi yaşayış və bağ evi üzərində 37 345, mənzil üzərində 44 139, torpaq sahəsi üzərində 85 454, qeyri-yaşayış binası üzərində 1 592, qeyri-yaşayış sahəsi üzərində 4 840, əmlak kompleksi üzərində 314, çoxmərtəbəli yaşayış binası üzərində isə 54 mülkiyyət hüququnun dövlət qeydiyyatı aparılıb.
Bu dövrdə qeydiyyata alınan mülkiyyət hüquqlarının 50 124-ü Bakının, qalan hissəsi isə bölgələrin payına düşür.
Son 1 ildə tərtb olunmuş texniki pasportların sayı 1 % azalaraq 122 017, qeydiyyata alınmış ipoteka müqavilələrinin sayı isə 5,6 % artaraq 30 545 olub.
