ABŞ administrasiyası Müsəlman Qardaşları hərəkatını və onunla əlaqəli qrupları SEPAH ilə əməkdaşlıqdan çəkinməyə çağırıb.
Zefer.media xəbər verir ki, bu barədə “Əş-Şərq Əl-Əvsət” qəzeti yazıb.
Məlumata görə, Tramp administrasiyası Afrika ilə bağlı yeni strategiyasını təqdim edib. Sənəd Sudan, Liviya, Sahel bölgəsi, Somali və Efiopiyanın Böyük İntibah Bəndi ətrafındakı mübahisələr də daxil olmaqla bir sıra regional məsələləri əhatə edir.
Strategiyada Müsəlman Qardaşları və onunla əlaqəli qruplara İranın SEPAH-ı ilə əməkdaşlıq etməmələri barədə xəbərdarlıq olunur.
Qeyd edək ki, Müsəlman Qardaşları hərəkatı 1928-ci ildə Misirdə Həsən əl-Bənna tərəfindən yaradılıb. Təşkilat BƏƏ, Misir, Bəhreyn, Səudiyyə Ərəbistanı, Tacikistan və Rusiya tərəfindən terror təşkilatı kimi tanınır.
Zərintac Mayisqızı
