Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyiinin maliyyə dəstəyi ilə “Gənclər Mərkəzi” İctimai Birliyi “Gənclik və dəyərlər” adlı layihəsinin icrasına başlayır.
Zefer.media xəbər verir ki, layihənin kordinatoru, Gənclər Mərkəzi İctimai Birliyin sədri Kənan Qubadzadənin verdiyi məlumata görə, müddəti 3 aydır və layihə İsmayıllı, Xaçmaz, Quba və Şabran rayonlarında həyata keçiriləcək.
Əsas məqsəd gənclər və yeniyetmələr arasında erkən nikahların mənfi sosial, psixoloji və hüquqi nəticələri barədə maarifləndirmə aparmaq, sağlam ailə münasibətlərinin formalaşmasına və ailə institutunun möhkəmlənməsinə dəstək olmaqdır.
Layihə çərçivəsində maarifləndirici tədbirlər təşkil olunacaq, benefisiarlara qanunvericilikdən çıxarışlar və digər materiallar paylanılacaqdır. Hazırda layihənin hazırlıq mərhələsidir.
Həmin mərhələdə layihəyə cəlb olunacaq işçi heyəti ilə mövzu barəsində ətraflı mülahizə aparılacaq, benfesiarlar müəyyənləşəcək. İşçilərə görəcəyi işlər izah ediləcək, müqavilələr bağlanacaq və.s.
