Ermənistanın hazırkı baş naziri Nikol Paşinyan seçkilərdən sonra hakim Vətəndaş Müqaviləsi Partiyasının parlament çoxluğunu təmin edəcəyini və hökumət quracağını açıqlayıb.
Zefer.media xəbər verir ki, o, bu açıqlamanı 2025-ci il büdcə müzakirələrində iştirak etdiyi parlamentdə edib.
“Növbəti aylarda bu məsələni müzakirə etmək imkanı olacaq”, – deyə o bildirib.
O, 7 iyunda Ermənistan xalqının öz dövlətinin, müstəqilliyinin və sülhünün müdafiəsinə səs verdiyini ifadə edib və seçkilərin “üçbaşlı müharibə partiyasının məğlubiyyətini” təmsil etdiyini deyib.
Ermənistanın Mərkəzi Seçki Komissiyasının ilkin məlumatlarına görə, Vətəndaş Müqaviləsi Partiyası 49,81% (727.160), Güclü Ermənistan bloku – 23,29% (340.062), Ermənistan bloku – 9,94% (145.097) və Çiçəklənən Ermənistan partiyası – 4% (58.368) səs toplayıb.
Seçicilərin ümumi sayı 1.476.916 nəfər olub. Ermənistanda parlament seçkiləri iyunun 7-də keçirilib. On altı partiya və iki blok iştirak edib.
Zərintac Mayisqızı
