Bu gün səhər saatlarında SEPAH yaydığı bəyanat və videogörüntülərdə Sirik bölgəsinə hücumun mənbəyinin hədəfə alındığını bildirib.
Zefer.media xəbər verir ki, bu açıqlama Küveyt Müdafiə Nazirliyinin ölkənin hava hücumundan müdafiə sistemlərinin raket və pilotsuz uçuş aparatları ilə həyata keçirilən hücumların qarşısını aldığını elan etməsindən bir neçə dəqiqə sonra verilib.
SEPAH bəyanatında konkret ölkənin adını çəkməsə də, Aerokosmik Qüvvələrin qırıcılarının “təcavüzün qaynaqlandığı hərbi hava bazasını” vurduğunu və müəyyənləşdirilmiş hədəflərin məhv edildiyini ifadə edib.
Xatırladaq ki, bundan öncə ABŞ CENTCOM son iki gün ərzində Sirik bölgəsinin qərbində yerləşən Qoruq ərazisində və Qeşm adasında İranın radar mövqelərinə, eləcə də dronlarının komanda-idarəetmə mərkəzlərinə qarşı “özünümüdafiə məqsədli” zərbələr endirdiyini açıqlamışdı.
Zərintac Mayisqızı
