Bu gün Azxeber.com informasiya portalı 16 yaşını qeyd edir.
Zefer.media xəbər verir ki, 2010-cu il aprel ayının 13-də gənc jurnalistlər Hacıbəy Heydərli və Əfsələddin Ağalarovun təşəbbüsü ilə yaradılan portalda hazırda hər gün müxtəlif sahələri əhatə edən yüzə yaxın xəbər, müsahibə, reportaj, köşə yazıları yayımlanır.
Daim tərəfsizlik və dövlətçilik prinsiplərindən çıxış edən Azxeber.com intellektual gəncliyin izlədiyi azsaylı informasiya portallarından biri kimi tanınır. Sayt eyni zamanda, sosial şəbəkələrdə ən çox izlənilən xəbər portallarındandır. “İnstagram”da 860 min, “Tiktok”da 800 min, “Youtube”də 50 min, “facebook”da 100min, “Threads”də 60 min, “Telegram”da isə 30 minə yaxın izləyicisi var.
Zefer.media olaraq sözügedən informasiya portalının bütün əməkdaşlarını təbrik edir, bu şərəfli və çətin peşədə uğurlar arzulayırıq.
Zərintac Mayisqızı
