“Birləşmiş Ştatlar İslam Respublikasına hücum etmək üçün İranın qonşularının ərazisindən istifadəni dayandırmayıb və bu səbəbdən Tehran onlara zərbələr endirməkdə davam edir”.
Zefer.media xəbər verir ki, bu sözləri İran Xarici İşlər Nazirliyinin sözçüsü İsmail Bəqayi deyib.
“Biz aylardır region ölkələrinə xəbərdarlıq edir, onlardan İrana hücum etmək üçün öz ərazilərindən istifadə etməkdən çəkinmələrini xahiş edirik. Son 16-17 gün ərzində ABŞ-ın İrana qarşı təcavüzkar əməliyyatlar planlaşdırmaq və həyata keçirmək üçün region ölkələrindəki hərbi bazalarından, obyektlərindən, qurğularından və bütün imkanlarından istifadə etməyə davam etdiyini müşahidə etmişik. Bunu inkar etmək olmaz”, – deyə Bəqayi bildirib.
Bəqayi əlavə edib ki, İslam Respublikası region ölkələrinə qarşı düşmənçilik və ya düşmənçilik mövqeyində deyil və onlarla münasibətlərin korlanmasından çəkinməyə çalışır. O, vurğulayıb ki, İranın hücumları ABŞ-a məxsus hərbi bazalar, obyektlər və mülkləri hədəf alır və bu, region ölkələrinin suverenliyi və ərazi bütövlüyünün pozulması kimi qiymətləndirilməməlidir.
Yeganə
