ABŞ hakimiyyəti Qətər və Bəhreyndəki bazalardan yüzlərlə hərbçini yenidən yerləşdirib. Bu, əməliyyat ehtiyacları ilə bağlıdır.
Zefer.media xəbər verir ki, bu barədə “The New York Times” (NYT) qəzeti ABŞ rəsmilərinə istinadən məlumat yayıb.
Nəşrin məlumatına görə, İranın ABŞ-ın mümkün hücumuna qarşı potensial cavab zərbəsi ABŞ-ın Qətər və Bəhreyndəki hərbi obyektlərini təhdid edəcək. Hazırda Yaxın Şərqdə 13 hərbi baza və 30-40 min hərbçi var. Qəzet qeyd edir ki, ABŞ Hərbi Dəniz Qüvvələrinin bölgədəki iki təyyarədaşıyan gəmisi İrandan təhlükəsiz məsafədə yerləşdirilib.
Qəzet xatırladır ki, bundan əvvəl İranın BMT-dəki daimi nümayəndəsi Əmir Səid İrəvani BMT-nin baş katibi Antonio Quterreşə məktubla yazıb ki, Tehran respublikaya hücum ediləcəyi təqdirdə bölgədəki düşmən qüvvələrin bütün bazalarını, obyektlərini və aktivlərini qanuni hədəflər hesab edəcək.
Yeganə
