ABŞ prezidenti Donald Tramp sülh danışıqlarında irəliləyiş əldə olunacağı təqdirdə İranın yüksək vəzifəli liderləri ilə görüşməyə hazır olduğunu açıqlayıb.
Zefer.media xəbər verir ki, o, bunu aprelin 20-də “New York Post” qəzetinə verdiyi müsahibədə deyib.
“Danışıqlar aparmalıyıq. Güman edirəm ki, hazırda heç kim oyun oynamır. Onlarla görüşməklə əlaqəli heç bir problemim yoxdur. Əgər görüşmək istəyirlərsə və bizim çox səriştəli insanlarımız varsa, problem yoxdur.”, – deyə Amerika lideri qeyd edib.
Trampın sözlərinə görə, vitse-prezident Jeyms Devid Vens Amerika nümayəndə heyəti (prezidentin xüsusi nümayəndəsi Stiv Vitkoff və müşaviri, Amerika liderinin kürəkəni Cared Kuşner) ilə birlikdə İranla danışıqların növbəti mərhələsində iştiraka görə artıq Pakistana uçub.
Zərintac Mayisqızı
