Bu gün SEPAH İran və ABŞ arasında iki həftəlik atəşkəs elan olunmasına baxmayaraq, rəsmi “Telegram” kanalında sərt bəyanat yayıb.
Zefer.media xəbər verir ki, ki, SEPAH bəyanatında bildirib:
“Düşmən həmişə hiyləgər olub. Biz ona etibar etmirik və əlimiz tətikdədir”.
Bəyanatda SEPAH özünü İran xalqının “sadiq davamçıları” adlandıraraq, ali lider Müctəba Xameneyinin əmrlərinə tabe olduqlarını vurğulayıb. SEPAH qeyd edib ki, ABŞ və İsrailin birgə cəbhəsinin növbəti səhvi daha böyük qarşıdurmaya səbəb ola bilər.
SEPAH bölgədəki ABŞ tərəfdaşlarına müraciət edərək onların Vaşinqton və İsrailin “acizliyini” gördüklərini iddia edib və “İslam düşmənləri” ilə əməkdaşlığa son qoymağa çağırıb.
Bəyanatın sonunda SEPAH istənilən hücuma daha yüksək səviyyədə cavab veriləcəyini əlavə edib.
Zərintac Mayisqızı
