Misli Premyer Liqasında XXIV turun daha iki matçı keçirilib.
Zefer.media xəbər verir ki, günün ilk qarşılaşmasında Qubada “İmişli” ilə “Sabah üz-üzə gəlib. Görüş “Sabah”ın 5-0 hesablı qələbəsi ilə başa çatıb.
Günün ikinci matçında “Zirə” “Qarabağ”ı qəbul edib. Bu görüş qonaqların qələbəsi ilə yekunlaşıb – 3:1.
Bu nəticədən sonra xallarının sayını 52-yə çatdıran Ağdam klubu ikinci pillədə qərarlaşıb. Meydan sahibləri 39 xalla dördüncü sıradadır.
Qeyd edək ki, tura martın 15-də yekun vurulacaq. Ötən gün “Araz-Naxçıvan” “Karvan-Yevlax”ı (2:1), “Şamaxı” “Sumqayıt”ı (1:0) məğlub edib.
