UEFA “Qalatasaray” klubuna qarşı intizam tədbiri tətbiq edib.
Zefer.media xəbər verir ki, qərara əsasən, İstanbul təmsilçisi növbəti səfər matçını azarkeşsiz keçirməli olacaq və 40 min avro məbləğində cərimə ödəyəcək.
Qərar UEFA Çempionlar Liqasının 1/8 final mərhələsində “Yuventus” ilə keçirilən oyunda baş verən azarkeş insidentlərinə görə verilib. UEFA İntizam Komitəsi hadisələri araşdırdıqdan sonra kluba həm maliyyə sanksiyası, həm də tribunaların səfər sektoruna qadağa tətbiq edib.
“Qalatasaray” rəhbərliyi qərarla bağlı bəyanat yayaraq bildirib ki, 25 fevral 2026-cı ildə keçirilən “Yuventus” matçındakı hadisələrə görə verilən 40 min avro cərimə və bir səfər oyunu üçün azarkeş qadağası qərarından apellyasiya şikayəti veriləcək.
Klub məsələ ilə bağlı hüquqi prosedurlara başlayacağını və qərarın yenidən nəzərdən keçirilməsini istəyəcəyini açıqlayıb.
