Böyük Britaniya Səhiyyə Təhlükəsizliyi Agentliyinə (UKHSA) istinadən verdiyi məlumata görə, Britaniya hakimiyyəti Britaniya vətəndaşları arasında üçüncü hantavirus infeksiyası halını aşkar edib.
Zefer.media xəbər verir ki, bu barədə “Reuters” məlumat yayıb.
Media qurumu infeksiyanın Cənubi Atlantikada Britaniyanın xarici ərazisi olan Tristan da Cunha arxipelaqında bir Britaniya vətəndaşında aşkarlandığını dəqiqləşdirib.
Məqalə müəllifləri xatırladır ki, 24 apreldə MV Hondius kruiz gəmisindən Cənubi Atlantik arxipelaqına yeddi nəfər düşüb. UKHSA onlardan ikisinin Böyük Britaniyada, dördünün Müqəddəs Yelena adasında, birinin isə Böyük Britaniyadan kənarda tapıldığını vurğulayıb.
Qeyd edək ki, 2026-cı il may ayının əvvəlində Ümumdünya Səhiyyə Təşkilatı (ÜST) Argentinanın Uşuaya limanından Kabo-Verdeyə üzən Hollandiyanın MV Hondius kruiz gəmisində hantavirusun yayıldığını bildirmişdi. İndiyə qədər üç ölüm hadisəsi təsdiqlənib (bir hollandiyalı cütlük və bir Almaniya vətəndaşı).
Zərintac Mayisqızı
