ABŞ aprelin 19-da başa çatan İran neftinə qarşı sanksiyaların müvəqqəti güzəştini uzatmayacaq.
Zefer.media xəbər verir ki, bu barədə Reuters agentliyi iki amerikalı məmura istinadən məlumat yayıb.
Bildirilib ki, Tramp administrasiyası 30 günlük sanksiyaların yumşaldılması rejiminin bu həftənin sonunda başa çatmasına icazə verəcək.
Xəzinədarlıq katibi Skott Bessent ötən ay bildirib ki, Xəzinədarlıq Departamenti tərəfindən 20 martda verilən güzəşt təxminən 140 milyon barel neftin qlobal bazarlara çıxarılmasına və İranla müharibə zamanı enerji təchizatına təzyiqin azaldılmasına imkan verib .
Həmin tədbirin uzadılmasından imtina qərarı həm Respublikaçı, həm də Demokrat partiyalarının Trampın Tehran və Moskvaya qarşı sanksiyaları yumşaltmasına verdiyi tənqidlərdən irəli gəlib. ABŞ rəsmilərindən biri deyib ki, Vaşinqtonun İran neftini alan təşkilatlara tətbiq edə biləcəyi bir sıra səlahiyyətləri var: o cümlədən ikinci dərəcəli sanksiyalar tətbiq etmək imkanı..
“Bundan əlavə, BMT-nin İrana qarşı sanksiyalarının ləğvi və onun qanuni fəaliyyətlərdən qanunsuz hərəkətlər etmək üçün istifadə etmək cəhdləri nəzərə alınmaqla, Tehranla bağlı hər hansı bir fəaliyyət əlavə sanksiyaların tətbiqinə səbəb ola bilər”, – Mənbə əlavə edib.
Zərintac Mayisqızı
