İran prezidenti Məsud Pezeşkianın istefası ilə bağlı iddiaların təkzib edilməsindən sonra mühafizəkar düşərgəyə yaxın “Əlef” saytı “Nə üçün həmişə yalan deyirlər?” sərlövhəli məqalə dərc edib.
Zefer.media xəbər verir ki, bu barədə “Azad İran” məlumat yayıb.
Məqalədə bildirilir ki, “Iran International” telekanalı Pezeşkianın SEPAH-ın ölkə idarəçiliyində dominant mövqeyinə etiraz olaraq istefa verdiyini iddia etsə də, prezident bu məlumatı şəxsən təkzib edib və İran xalqına xidmətini davam etdirəcəyini açıqlayıb.
“Əlef” nəşri sözügedən xəbəri “tamamilə yalan” adlandıraraq ifadə edib ki, bu cür məlumatların yayılmasında məqsəd İran cəmiyyətində narahatlıq yaratmaq, ölkə daxilində qütbləşməni dərinləşdirmək, SEPAH və hökumət arasında qarşıdurma görüntüsü formalaşdırmaqdır.
Məqalədə vurğulanıb ki, İran əleyhinə media qurumları bu cür xəbərlərlə Tehranın rəqiblərinin siyasi məqsədlərinə xidmət etməyə çalışırlar.
Zərintac Mayisqızı
