8 sentyabr – Jurnalistlərin Beynəlxalq Həmrəyliyi günüdür.
Zefer.media xəbər verir ki, həmin tarixdə bütün dünyada konfranslar, qurultaylar keçirilir, burada müxtəlif ölkələri təmsil edən jurnalistlər toplanır. Bu bayram toplantılarında təcrübə mübadiləsi ilə yanaşı, bəzən hətta təhlükəli olan zəhmətləri müqabilində mükafatlarla təltif edilirlər.
Ölkəmizdə də daim media sahəsində geniş islahatlar aparılır. Elə bu il də Prezident İlham Əliyevin Fərmanı ilə Media və Yayım Şurasının yaradılması, bugünkü sərəncamında isə Şuraya sədr və üzvlərin təyin edilməsi xüsusi diqqət çəkir. Sözügedən proseslər dövlətin media və jurnalistlərə qayğısı və dəstəyinin bariz nümunəsidir.
Azərbaycan Mətbuat Şurasının sədri Rəşad Məcid Jurnalistlərin Beynəlxalq Həmrəyliyi günü ilə əlaqədar saytımıza açıqlamasında deyib:
“Peşəkar jurnalistlərin küncə qıslıdığı, sosial media fenomenlərinin- influenserlərin, blogerlərin meydan suladığı indiki zamanda əsil, ömrünü qəzetçiliyə həsr eləmiş jurnalistlərin həmrəyliyə ehtiyacı var. Peşəkarları birləşməyə və çevik olmağa çağırıram. Ruhdan düşməsinlər”.
Zərintac Mayisqızı
