Heç hiss etmisinizmi ki, zaman bir anlıq dayanır və siz yaşadığınız həmin saniyəni sanki keçmişdə bir yerdə artıq yaşamısınız? Deja vü – çoxumuzun təsadüf, bəzilərimizin isə fövqəltəbii bir işarə hesab etdiyi o qəribə an. Bəs əslində nə baş verir ?
Mövzu ilə bağlı Zefer.media-ya açıqlama verən klinik psixoloq, psixoterapevt Rövşən Nəcəfov bildirib ki, dejavü yaddaşın hansısa məkanı tanıdığını və özünü fərqli formada göstərməsidir:
“Yəni bu yaddaş deyil. İnsanın əvvəlcədən yaşamadığı bir vəziyyəti daha əvvəl yaşamış kimi hiss etməsinə səbəb olur. Stres, yorğunluq və yuxusuzluq zamanı insanda dejavü halı yaşanır”.
Psixoterapevt əlavə edib ki, dejavü sağlam insanlarda da müşahidə oluna bilər:
“Amma davamlı dejavü varsa, nevroloji baxış mütləq aparılmalıdır. Gündəlik şəxsi həyatına və əmək fəaliyyətinə mənfi təsir edirsə psixi sağlamlıq mütəxəssisinə müraciət etmək lazımdır”.
Aytən Yalçınqızı
