Cənubi Koreyada xarici valyuta depozitləri ABŞ dollarına yüksək tələbat fonunda iyul ayında ardıcıl dördüncü ay artıb.
Zefer.media “Xinhua”ya istinadən xəbər verir ki, Koreya Bankının məlumatına görə, xarici valyutada olan depozitlərin həcmi əvvəlki ayla müqayisədə 15,01 milyard dollar artaraq 128,34 milyard dollara çatıb. Depozitlər apreldən etibarən ardıcıl olaraq artır.
Artımın əsas səbəbləri arasında iri şirkətlərin ixracdan əldə etdiyi ödənişlər, qiymətli kağızlar şirkətlərində müştəri depozitlərinin artması və xarici valyutada istiqrazların buraxılmasından əldə olunan vəsaitlərin daxil olması göstərilir.
Dolların məzənnəsinin dəyişməsi fonunda yaranan spekulyativ dollar alışları da depozitlərin artmasına təsir edib.
İyulun sonunda Cənubi Koreya vonunun ABŞ dollarına məzənnəsi 1 dollar üçün 1 424 von təşkil edib. İyunun sonunda isə bu göstərici 1 549,4 von olub.
Dollarla olan depozitlər 11,12 milyard dollar artaraq 108,92 milyard dollara, Yaponiya yeni ilə olan depozitlər isə 1,5 milyard dollar artaraq 8,61 milyard dollara çatıb.
Avro ilə olan depozitlər 2,22 milyard dollar artaraq 8,06 milyard dollara, Çin yuanı ilə olan depozitlər isə 20 milyon dollar artaraq 1,29 milyard dollara yüksəlib.
Şirkətlərin sahib olduğu xarici valyuta depozitləri 13,57 milyard dollar artaraq 112,56 milyard dollara, fiziki şəxslərin depozitləri isə 1,44 milyard dollar artaraq 15,77 milyard dollara çatıb.
Aytən Yalçınqızı
