ABŞ Hərbi Dəniz Qüvvələrinə məxsus USS George H.W. Bush təyyarədaşıyan gəmisi Ərəbistan dənizinə daxil olub.
Zefer.media xəbər verir ki, bunu Bu gün ABŞ Mərkəzi Komandanlığı (CENTCOM) “X” hesabında yayımladığı məlumatda bildirib.
Açıqlamada qeyd olunub ki, gəmi Oman körfəzi istiqamətində fəaliyyət göstərir və Hörmüz boğazında keçirilən “Azadlıq Əməliyyatı”nı dəstəkləyir. Habelə, vurğulanıb ki, ABŞ qüvvələri bölgədə dəniz təhlükəsizliyinin təmin olunması üçün əməliyyatlarını davam etdirir.
Məlumata görə, təyyarədaşıyan gəminin göyərtəsində 60-dan çox hərbi təyyarə yerləşir.
Zərintac Mayisqızı
