İsrail Baş naziri Binyamin Netanyahu prostat xərçənginə qalib gəldiyini elan etdikdən bir həftə sonra idman zalından bir video paylaşdı.
Zefer.media xəbər verir ki, Netanyahu səhhətinin yaxşı olduğunu göstərmək üçün rəsmi TikTok hesabında idman etdiyi və səhər yeməyi hazırladığı videoları paylaşıb.
Son illərdə yaşı artdığı üçün müxtəlif sağlamlıq problemləri yaşayan nazir, demək olar ki, hər səhər idman zalında məşq etdiyini iddia edib.
O təxminən bir il yarım əvvəl keçirdiyi prostat əməliyyatından sonra aparılan müntəzəm müayinələr zamanı şiş aşkarlandığını açıqlayıb.
Uğurlu müalicə prosesindən sonra xərçəng xəstəliyinə qalib gəldiyini deyən Netanyahu, ABŞ-ın İrana qarşı həyata keçirdiyi hücumlar səbəbindən xəbəri ictimaiyyətlə paylaşmağı gecikdirdiyini söyləyib.
İsrailin ən uzun müddət baş naziri vəzifəsində çalışan 76 yaşlı Benyamin Netanyahu son illərdə bir sıra sağlamlıq problemləri ilə üzləşir.
Zərintac Mayisqızı
